विश्व स्वास्थ्य

भारतमा सक्रिय काेराेना सङ्क्रमित संख्या आठ लाख, ६५ हजार थपिए

नयाँदिल्ली- भारतमा अझै पनि सङ्क्रमित अवस्थामै रहेकाहरुको सङ्ख्या अहिले पनि आठ लाख रहेकाे छ। पहिला पहिला नौ, दश लाख सङ्क्रमितहरु रहने गरेकोमा अहिले घटेर आठ लाखभन्दा कम भएको अधिकारीहरुले जनाएका छन्।

केन्द्रीय स्वास्थ्य तथा परिवार कल्याण मन्त्रालयले शनिबार दिएको जानकारीअनुसार पछिल्लो ४५ दिनयता सङ्क्रमित अवस्थामै रहेकाहरुको यो सङ्ख्या अहिलेसम्मकै कम हो ।

भारतमा सङ्क्रमित अवस्थामै रहेकाहरुको सङ्ख्या पछिल्लो समयमा लगातार बढ्दै गएकोमा अहिले आठ लाखभन्दा कम भएको हो, मन्त्रालयले सामाजिक सञ्जाल ट्वीटरमा लेखेको छ।

मन्त्रालयका अनुसार अहिले सङ्क्रमित अवस्थामै रहेकाहरुको सङ्ख्या सात लाख ९५ हजार ५३ रहेको छ। ती मध्ये ६६ हजार भन्दा बढी पछिल्लो २४ घण्टामा सङ्क्रमण पुष्टि भएका हुन्। योसँगै भारतमा अहिलेसम्म कुल सङ्क्रमितहरुको सङ्ख्या ७४ लाख ३२ हजार ६८१ पुगेको छ।

भारतमा कोरोनाका कारण अहिलेसम्म कुल एक लाख १२ हजार ९९८ जनाको मृत्यु भएको मन्त्रालयले जनाएको छ। ती मध्ये ८३७ जनाको पछिल्लो २४ घण्टामा मृत्यु भएको छ। कोरोनाबाट सङ्क्रमित भएर पनि अहिले सङ्क्रमणमुक्त भइसकेकाहरुको सङ्ख्या भने भारतमा अहिलेसम्म ६५ लाख २४ हजार ५९५ रहेको छ। रासस

प्राप्त प्रतिकृयाहरू

यसमा तपाइको मत

प्रतिकृया दिनुहोस

swasthyakhabar

पढ्नै पर्ने