मुख्य समाचार

न्याम्सका पदाधिकारीलाई वीर अस्पताल प्रवेशमा रोक

काठमाडौं- वीर अस्पतालका आन्दोलित कर्मचारीले न्याम्सका पदाधिकारीलाई अस्पताल प्रवेशमा रोक लगाएका छन्। आफ्ना माग सम्बोधनका लागि कुनै पहल नगरेको भन्दै उनीहरुले बिहिबारदेखि न्याम्सका पदाधिकारीलाई प्रवेशमा रोक लगाएका हुन्।  

नारा जुलुस सहित धर्नाको कार्यक्रमलाई यथावत राख्दै उनीहरुले आन्दोलनका कार्यक्रम थप गरेका छन्। मंसिर १२ गतेसम्म न्याम्स पदाधिकारीलाई अस्पताल प्रवेशमा रोक लगाइने नेपाल स्वास्थ्यकर्मी संघ वीर अस्पतालका अध्यक्ष खुबराज आचार्यले बताए। 

उनले भने, ‘हामी आन्दोलनका कार्यक्रम ल्याउन बाध्य भयौं। त्यसैले आजदेखि न्याम्स पदाधिकारीलाई अस्पताल प्रवेशमा रोक लगाएका हौं।’

उनीहरुले अस्पतालको दुवै गेटमा पदाधिकारी प्रवेश निषेधको ब्यानर समेत टाँसेका छन्। अस्पतालमा दुई घण्टा पदाधिकारी र स्वास्थ्य तथा जनसंख्या मन्त्रालय विरुद्ध नाराबाजी गरिएको आचार्यले जानकारी दिए। 

आफुहरुको माग सम्बोधन नभएर पदाधिकारीहरुको कार्यकक्षमा तालाबन्दी गरिने उनीहरुले बताएका छन्। 

जोखिममा काम गरेवापत पाउनुपर्ने कोभिड भत्ता, कोभिड बिमा क्षतिपूर्ति, चिकित्सक, स्वास्थ्यकर्मी र कर्मचारीलाई भुक्तानी दिन बाँकी सेवा विस्तार भत्ता लगायत पाउनुपर्ने माग सहित वीर अस्पतालका कर्मचारीहरु कार्तिक ३ गतेदेखि आन्दोलनमा छन्।

प्राप्त प्रतिकृयाहरू

amrit लेख्नुहुन्छ २०७७ मङ्सिर ४ बिहीबार ८:५६ 

अचम्म को देश औसधि उपचार खर्च औसधि खरिद खर्च गरि सबै कर्मचारि हरु दोहोरो सुबिधा भोग गर्छन्, बीर अस्पताल मा । यहा सबै इन्वेस्टिगेसन र उपचार कर्मचारिको मात्र होइन परिवार को पनि लिने गर्छन् अनि हड्ताल पनि। सन्सार को कुनै पनि कुना मा यस्तो सुबिधा छैन। सबै स्थाइ कर्मचारिहरुले ६ घन्टा काम गरेर प्रतेक महिना ५० % बढि तलब न्याम्स मा मात्र पाइन्छ। अस्थाइ कर्मचारि भने आधा तलब मा काम गर्नु पर्छ। १ दिन् मात्र हाजिर भए पनि १ महिनाको कोरोना जोखिम भत्ता को माग सन्सार को एउटै अस्पताल बीर अस्पताल का कर्मचारि ले मात्र गर्छन् । त्यसैले समाचार पनि बुझेर लेखिनु पर्छ। यहि कारण्ले प्रतेक बर्श महालेखा परिक्षकको कार्यलयले बार्षिक १० करोड्बेरुजु देखाउछ जुन हाल सम्म अरौबौ को भै सक्यो पतृकाले यता पनि ध्यान दिने हो कि? अस्थाइ कर्मचारि माथिको बिबेध बन्द होस् ।

यसमा तपाइको मत

प्रतिकृया दिनुहोस

swasthyakhabar

पढ्नै पर्ने