काठमाडौं- नवनियुक्त स्वास्थ्य तथा जनसंख्या हृदयेश त्रिपाठीले पूर्व स्वास्थ्यमन्त्रीहरुसँग छलफल गर्ने भएका छन्।
नवनियुक्त स्वास्थ्यमन्त्री त्रिपाठीले आज स्वास्थ्य मन्त्रालयमा पूर्व स्वास्थ्यमन्त्रीहरुलाई आमन्त्रण गरी कोभिड तथा स्वास्थ्यका अन्य विषयमा समेत सरसल्लाह गर्न लागेको बताइएको छ।
‘मन्त्रीज्यूले पूर्व स्वास्थ्यमन्त्रीज्यूहरुलाई अहिले २ बजे स्वास्थ्य मन्त्रालयमा छलफलका लागि बोलाउनुभएको छ। सबै पूर्व स्वास्थ्यमन्त्रीज्यूहरुलाई बोलाइएको छ। सबैले आउने जानकारी गराउनुभएको छ,’ स्रोतले भन्यो।
प्रधानमन्त्री केपी शर्मा ओलीले गत शुक्रबार त्रिपाठीलाई स्वास्थ्य मन्त्रालयको जिम्मेवारी दिएका थिए। यसअघि उनी संघीय मामिला तथा सामान्य प्रशासन मन्त्री थिए।
स्वास्थ्यमन्त्री भानुभक्त ढकाललाई भने पर्यटन मन्त्रालयको जिम्मेवारी दिइएको छ।
