काठमाडौं - नेपालमा कोरोना संक्रमितको संख्या ह्वात्तै बढेको छ। गत २४ घण्टामा पिसिआर र एन्टिजेनसहित नौ हजार ७० जना संक्रमित पुष्टि भएका छन्। यो संख्या हालसम्मको उच्च हो।
२० हजार ३ सय ६७ जनाको पिसिआर परीक्षणमा ८ हजार ९७० जनामा पोजिटिभ र ७७५ जनाको सिमा नाकामा एन्टिजेन परीक्षण गर्दा १०० जनामा कोरोना पोजिटिभ आएको स्वास्थ्य तथा जनसंख्या मन्त्रालयले जनाएको छ।
कुल संक्रमितमध्ये हाल ७२ हजार ५६१ जना सक्रिय संक्रमित छन्। हाल ३१४ जना संक्रमित क्वारेन्टा्रइनमा छन्। गत २४ घण्टामा २ हजार ७०७ जना उपचारपछि डिस्चार्ज भएका छन्।
