काठमाडौं - गत २४ घण्टामा देशभर ६ हजार ८० जना कोरोना संक्रमित निको भएका छन्। यो सँगै देशभर निको हुनेको संख्या ४ लाख ३४ हजार ७ सय ५० पुगेको स्वास्थ्य तथा जनसंख्या मन्त्रालयले जनाएको छ। यसअघि शुक्रबार ९ हजार ८ सय ४१ जना संक्रमित निको भएका थिए।
देशभर गरिएको १४ हजार ६ जनाको पीसीआर र ७४६ जनाको एन्टीजेन परीक्षणका क्रममा ४ हजार ४ सय ८७ जनामा संक्रमण पुष्टि छ। यो सँगै कुल संक्रमितको संख्या ५ लाख ५३ हजार ४ सय २२ पुगेको छ। जसमध्ये १ लाख ११ हजार ५ सय ९ जना सक्रिय संक्रमित छन्।
गत २४ घण्टामा ११६ जना संक्रमितको मृत्यु भएसँगै कुल संक्रमित मृतकको संख्या ७ हजार १ सय ६३ पुगेको मन्त्रालयले जनाएको छ।
