1611230380.JPG)
फाइल तस्बिर काठमाडौं- चीनबाट आज कोरोना भाइरसविरुद्धको थप आठ लाख डोज भेरोसेल खोप नेपाल आइपुगेको छ। सरकारले खरिद गरेको खोप बेइजिङबाट आज दिउसो काठमाडौं ल्याइएको हो।
बुधबार बेइजिङ गएको नेपाल एयरलाइन्सको जहाज आज दिउसो साढे २ बजे त्रिभुवन विमानस्थलमा अवतरण गरेको हो।
यसअघि असार २५ गते पनि नेपाल एयरलाइन्सको जहाजले आठ लाख डोज खोप ल्याएकोे थियो।
खोप ल्याएर जहाज आज पुनः थप खोप ल्याउन जहाज बेइजिङ जाने कार्यतालिका रहेको छ। यससँगै साउन ९ गते चौथो खेपका लागि एयरलाइन्सको जहाज चीन जानेछ।
चीनबाट अबको तीन दिनभित्र २५ लाख खोप आउने स्वास्थ्य तथा जनसंख्या मन्त्रालयले जनाएको छ।
यसअघि चीनले १८ लाख खोप अनुदानमा दिएको थियो।
प्रधानमन्त्री शेरबहादुर देउवासँगको भेटामा चिनियाँ राजदूत होउ यान्छीले थप १६ लाख खोप अनुदानमा दिन लागेको बताएकी थिइन्।
