काठमाडौं- पछिल्लो ४ घण्टामा नेपालमा सबैभन्दा बढी युवाहरुमा संक्रमण देखिएको छ। देशभर २४ घण्टाको अवधिमा १८ हजार ४०८ जनाको पिसिआर र एन्टीजेन परीक्षणमा ३ हजा ९३८ जनामा कोरोना संक्रमण पुष्टि भएको छ।
तीमध्ये २१ देखि ४० वर्ष उमेर समूहका १ हजार ३९८ जनामा संक्रमण पुष्टि भएको छ ।
आज संक्रमण पुष्टि भएका मध्ये २१ देखि ३० वर्ष उमेर समूहका व्यक्ति सबैभन्दा बढी ७४५ जना संक्रमित भएका छन्।
स्वास्थ्य तथा जनसंख्या मन्त्रालयका अनुसार ३१ देखि ४० वर्ष उमेर समूहका ६५३ जना व्यक्ति संक्रमित भएका छन्।
त्यसै १० वर्षमुनिका ८७ जना र ११ देखि २० वर्षमुनिका २६६ जनामा संक्रमण पुष्टि भएको छ।
उमेर समूहअनुसार संक्रमित पुष्टि भएकाहरुमध्ये ४१ देखि ५० वर्ष उमेर समूहका ४९४, ५१ देखि ६० वर्ष उमेर समूहका ३७१, ६१ देखि ७० वर्ष उमेर समूहका १९१, ७१ देखि ८० वर्ष उमेर समूहका ११९ र ८० वर्षमाथिका ५२ जनामा संक्रमण देखिएको छ।
त्यसैगरी उमेर नखुलेका २९ जनामा संक्रमण पुष्टि भएको स्वास्थ्य मन्त्रालयले जनाएको छ।
