काठमाडौं - पछिल्लो २४ घण्टामा २ हजार ६२४ कोरोना संक्रमित थपिएका छन्। देशभर गरिएको ८ हजार ६६७ पीसीआर र ४ हजार ९०६ जनाको एन्टीजेन परीक्षणका क्रममा २ हजार ६२४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यो सँगै कुल संक्रमितको संख्या ७ लाख ३० हजार ४७९ पुगेको छ। कुल संक्रमितमध्ये ३९ हजार ४०५ सक्रिय संक्रमित छन्। गत २४ घण्टामा १ हजार ३२० जना संक्रमित निको भएका छन्। यो सँगै देशभर निको हुनेको संख्या ६ लाख ८० हजार ८१५ पुगेको छ।
उक्त अवधिमा २० जना संक्रमितको मृत्यु भएको मन्त्रालयले जनाएको छ। हालसम्म कोरोना संक्रमणबाट मृत्यु हुनेको संख्या १० हजार २५९ पुगेको छ।
हाल ३६ हजार २ जना होम आइसोलेसन र ३ हजार ४०३ जना संस्थागत आइसोलेसनमा छन्। ४११ जना क्वारेन्टाइन, ७६० जना आइसीयू र १८६ जना भेन्टिलेटरमा रहेको मन्त्रालयले जनाएको छ।
