काठमाडौं- काठमाडौं उपत्यकामा ३ हजार १४३ जना कोरोना संक्रमित थपिएका छन्। गत २४ घण्टाभित्र गरिएको परीक्षणबाट उपत्यकाका तीन जिल्लामा उक्त संक्रमित थपिएका हुन्।
स्वास्थ्य तथा जनसंख्या मन्त्रालयका अनुसार गत २४ घण्टामा सबैभन्दा बढी काठमाडौंमा २ हजार ४०२ जना संक्रमित थपिएका छन्। यस्तै, ललितपुरमा ५२१ र भक्तपुर जिल्लामा २२० संक्रमित थपिएको मन्त्रालयले जानकारी दिएको छ।
मन्त्रालयका अनुसार काठमाडौं उपत्यकामा सक्रिय संक्रमितको संख्या ५४ हजार ८६३ पुगेको छ। आज देशभर भने ८ हजार १७ जना संक्रमित थपिएका छन्।
