काठमाडौं- दक्षिण कोरियामा कोरोना भाइरसका संक्रमितहरुको संख्या प्रतिदिन घटेको बताइएको छ। दक्षिण कोरियाका अधिकारीहरुले दिएको जानकारी अनुसार गएको २४ घण्टामा ५ हजार २२ जनामा यो संक्रमण देखिएको छ।
यसअघि अघिल्लो दिन ९ हजार भन्दा केही बढी देखिएका संक्रमितहरु सोमबार गएको २४ घन्टायता घटेका हुन्। यहाँ त्यो भन्दा अघिल्लो दिन अर्थात् शनिबारमा मात्र पनि कम्तीमा १२ हजार जनामा कोरोना भाइरसको संक्रमण पाइएको समाचारमा जनाइएको थियो।
यहाँ पछिल्लो केही हप्तामा संक्रमण दरमा कमी आएको पाइएको हो। दक्षिण कोरियाका अधिकारीहरुले पहिलेका तुलनामा पछिल्ला दिनहरुमा त्यहाँ सङ्क्रमितको संख्या थोरै भएपनि घट्दै गएको पाइएको बताएका छन्। यसैसँगै कूल संक्रमितको संख्या १ करोड ८१ लाखभन्दा बढी पुगेको स्वास्थ्य अधिकारीहरूले जनाएका छन्। रासस
