काभ्रे- बनेपा नगरपालिका–११ अपांग बाल अस्पतालका कर्मचारी चढेको बस दुर्घटना हुँदा एक जनाको मृत्यु भएको छ।
दुर्घटनामा परी ३८ जना घाइते भएका छन्। कार्यालयबाट घरतर्फ फर्केने क्रममा बा १ क ५७४७ नम्बरको बस अस्पताल नजिकै दुर्घटना भएको जिल्ला प्रहरी कार्यालय काभ्रेपलाञ्चोकका प्रहरी नायब उपरीक्षक हरि खतिवडाले बताए।
उनका अनुसार दुर्घटनामा परी एक महिलाको निधन भएको हो।
घाइतेमध्ये केहीलाई शिर मेमोरियल अस्पताल बनेपा, धुलिखेल अस्पताल धुलिखेल, भोमी अस्पताल बनेपा जनागाल र सामान्य घाइतेको अपांग बाल अस्पतालमा नै उपचार भइरहेको छ।
घाइतेको थप विवरण आउन बाँकी रहेको र घटनाको बारेमा थप अनुसन्धान भइरहेको प्रहरीले जनाएको छ।
