काठमाडौं- सरकारले कोभिड-१९ उपचार तथा व्यवस्थापनका लागि विगतका वर्षबाट सञ्चालनमा ल्याएका ६४९ स्थानीय तहका कोभिड-१९ अस्थायी अस्पतालमा कार्यरत जनशक्तिलाई साउन १ गतेबाट पारिश्रमिक उपलब्ध नगराउने भएको छ।
स्वास्थ्य मन्त्रालयमा शुक्रबार सचिवद्वय देवकुमारी गुरागाई र डा रोशन पोखरेलको उपस्थितिमा भएको छलफलले उक्त निर्णय गरेको हो।
'कोभिड-१९ उपचार तथा व्यवस्थापनका लागि विगत वर्षहरुबाट सञ्चालनमा आएका ६४७ स्थानीय तहका कोभिड-१० अस्थायी अस्पतालमा कार्यरत जनशक्तिका लागि साउन १ गतेबाट पारिश्रमिक उपलब्ध नगराइने सबै स्थानीय तहलाई जानकारी गराउने,' निर्णयमा भनिएको छ।
यस्तै काठमाडौं उपत्यकामा कोभिड-१९ को व्यवस्थापनका लागि डेडिकेटेड अस्पतालका रुपमा रहेका शुक्रराज ट्रपिकल तथा सरुवा रोग अस्पताल र चिकित्सा विज्ञान राष्ट्रिय प्रतिष्ठान वीर अस्पतालबाट हाल करारमा कार्यर्त जनशक्तिको मयाद भने पुस मसान्तसम्म थप गर्ने निर्णय भएको छ।
