काठमाडौँ- संयुक्त राज्य अमेरिकाले झन्डै एक दशकमा पहिलो पटक अमेरिकामा पोलियोको बिरामी भेटिएका छन्।
न्यूयोकको स्वास्थ्य विभागले म्यानह्याटनबाट ४८ किलोमिटर उत्तरमा रहेको रकल्याण्ड काउन्टीमा बस्ने एक व्यक्तिमा यो रोग भेटिएको परीक्षणपछि पुष्टि गरेको हो।
रोग नियन्त्रण तथा रोकथाम केन्द्रका अनुसार अमेरिकाले सन् २०१३ मा अन्तिम पटक पोलियोको बिरामी भेटिएको थियो।
मुखबाट दिइने पोलियो खोप (ओपीभी) लिएका व्यक्तिबाट पछिल्लो सङ्क्रमण सरेको भेटिएको अधिकारीले बताए। तर, सन् २००० मा संयुक्त राज्य अमेरिकामा पोलियोका लागि मुखबाट दिइने खोप बन्द गरिएको थियो।
न्यूयोर्कको स्वास्थ्य विभागले भनेको छ, “यसले सङ्केत गर्छ कि यो भाइरस अमेरिका बाहिरको कुनै स्थानमा उत्पन्न भएको हुनसक्छ जहाँ ओपीभी दिइन्छ किनकी निष्क्रिय खोपबाट उल्टो तनाव उत्पन्न हुन सक्दैन।” अधिकारीले स्वास्थ्यकर्मीलाई थप घटनाको प्रतीक्षा नगर्न चेतावनी आग्रह गरेका छन्।
हालैका दशकहरूमा बृहत् विश्वव्यापी प्रयासमार्फत पोलियोलाई उन्मूलन गर्न खोजिएको छ। यो घातक भाइरल रोग हो जसले मुख्यतया पाँच वर्षमुनिका बालबालिकालाई असर गर्छ।
अमेरिकामा सन् १९८८ पछि पोलियोको सङ्ख्या ९९ प्रतिशतले घटेको छ। सन् १९८८ मा १२५ वटा देशमा पोलियो फैलिएको थियो भने विश्वभरि ३,५०,००० बिरामीको सङ्ख्या रेकर्ड गरिएको थियो।
संयुक्त राज्य अमेरिकामा सन् १९५० दशकको अन्त्यतिर र १९६० दशकको सुरुतिर खोप विकास भएपछि पोलियोको नाटकीय ढङ्गमा कमी आएको थियो। रासस/एएफपी
