काठमाडौं- विश्वभरका धेरै महिलाहरूमा कोरोनाविरुद्धको खोप लगाएपछि असामान्य साइड इफेक्ट देखिएको छ। यसले सबै भन्दा बढी परिवर्तन उनीहरूको महिनावारीमा आएको छ। साइन्स एडभान्सेस जर्नलमा प्रकाशित नयाँ अनुसन्धानका अनुसार ४२ प्रतिशत महिलाहरूले भ्याक्सिन लगाएपछि महिनावारीको समयमा बढी रक्तस्राव भएको अनुभव गरेका छन्।
तीन महिनाको यस अनुसन्धानमा ३९ हजार महिलालाई समावेश गरिएको थियो। उनीहरू सबैले खोपको दुई डोज लगाएका थिए र कसैलाई पनि कोरोना सङ्क्रमण देखिएको थिएन। अनुसन्धानकर्ताहरूले उनीहरूलाई महिनावारीसँग सम्बन्धित परिवर्तनहरू जस्तै रक्तस्राव अवधि, चक्र अवधि र अन्य सामान्य लक्षणहरूमा ध्यान दिन आग्रह गरेका थिए।
अनुसन्धानकर्ताहरूले नियमित महिनावारी हुने ४२५ महिलाहरूलाई पहिले भन्दा धेरै रक्तस्राव हुन थालेको पत्ता लगाएका हुन्। तर, त्यहाँ भएका ४४५ महिलाहरूको भने अवधि प्रवाह परिवर्तन नभएको जनाएको छ। अनुसन्धानमा केही यस्ता महिलाहरू पनि थिए जसको अवधि प्रवाह पहिलेको भन्दा कम थियो।
अनुसन्धानकर्ताहरूका अनुसार महिनावारी रोकिएका वा रोक्नका लागि औषधि प्रयोग गर्ने महिलाहरूलाई पनि कोरोनाको भ्याक्सिन लगाएपछि रगत बग्न थालेको पाइएको थियो।
अनुसन्धानमा संलग्न अनुसन्धानकर्ता क्याथरिन ली र केट क्ल्यान्सीले भ्याक्सिनका कारण महिनावारीमा हुने असामान्य समस्याले मानिसको चिन्ता बढाउन सक्ने बताए। जसका कारण उनीहरूले शारीरिक पीडाका साथै मानसिक समस्याको सामना गर्नुपर्ने हुन्छ।
ली भन्छन् कि,’महिनावारीमा हुने परिवर्तनहरू धेरै खतरनाक छैनन्, तर कुनै पनि औषधिमा खानु भन्दा पहिले महिनावारिका यी अनुभवहरूमा ध्यान दिनु आवश्यक हुन्छ।’
अर्कोतर्फ, २०२१ मा ब्रिटिस मेडिकल जर्नलमा प्रकाशित एक अनुसन्धानका अनुसन्धानकर्ता भिक्टोरिया मेल भन्छिन्,‘भविष्यमा कुनै पनि उपचारको अनुसन्धानमा महिनावारीमा यसको प्रभावको पक्षलाई पनि जाँच्नुपर्छ।’
साइन्स अलर्टको रिपोर्टका अनुसार सन् १९१३ मा टाइफाइड भ्याक्सिनले पनि अनियमित महिनावारी हुनसक्ने अनुसन्धान गरेको थियो। जसमा प्रारम्भिक वा ढिलो महिनावारी, हराएको अवधि, र अत्यधिक रक्तस्राव हुने कुराहरू समावेश थियो। साथै, हेपाटाइटिस बी र पाठेघरको मुखको क्यान्सर भ्याक्सिनले पनि केही महिलाहरूको महिनावारीलाई असर गर्न सक्छ भनिएको थियो। दैनिक भाष्करबाट
