काठमाडौं- बलिउड अभिनेत्री शिल्पा शेट्टी घाइते भएकी छन्। सुटिङका क्रममा शिल्पाको खुट्टा भाँचिएको भारतीय सञ्चारमाध्यमले जनाएका छन्।
शिल्पाले हालै सामाजिक सञ्जालमा तस्बिर राख्दै आफ्नो खुट्टा भाँचिएको जानकारी दिएकी हुन्। तस्बिरमा उनलाई प्रशंसकहरूले चाँडै निको हुनु भनेर शुभकामना दिएका छन्।
तस्बिरमा उनी अस्पतालमा ह्विलचेयरमा बसेको देख्न सकिन्छ। खुट्टा भाँचिएर ह्विलचेयरमा भए पनि उनले मुस्कुराउँदै तस्बिरका लागि पोज दिएकी छन्।
