काठमाडौं- विश्व स्वास्थ्य सङ्गठन (डब्ल्युएचओ) ले विश्वव्यापीरूपमा कोभिड–१९ संक्रमण र कोभिडजन्य मृत्युदर घटेको बताए तापनि भारत र दक्षिण कोरियामा भने संक्रमितहरूको सङ्ख्यामा उल्लेखनीय कमी आएको छैन।
बुधबार मध्यरातसम्मको विवरणलाई समावेश गरेर कोरियाली स्वास्थ्य मन्त्रालयले सार्वजनिक गरेको सूचनामा ७२ हजार पाँच छ सय ४६ जना नयाँ संक्रमित थपिएका जनाइएको छ। मङ्गलबार मध्यरातसम्म कोरियामा ८५ हजार पाँच सय ४० जना नयाँ संक्रमित थपिएका थिए। हाल दक्षिण कोरियामा कोभिड–१९ संक्रमितको कूल सङ्ख्या दुई करोड ३८ लाख ६४ हजार पाँच सय ५० पुगेकाछ।
बुधबार कोरोना संक्रमणबाट ६४ जनाको मृत्यु भएको यो सँगै कोरियामा कोभिड लागेर ज्यान गुमाउनेको सङ्ख्या २७ हजार तीन सय १३ पुगेको छ। दक्षिण कोरियामा तत्काल यो महामारी साम्य हुने लक्षण देखिएको छैन।
यसैबीच भारतमा एकै दिनमा छ हजारभन्दा बढी कोरोनाबाट संक्रमित भएका छन् । बुधबार मध्यरातसम्मको विवरणअनुसार छ हजार तीन सय ९५ जना कोरोना संक्रमित भएका सङ्घीय स्वास्थ्य मन्त्रालयले बिहीबार जनाएको छ । यो सँगै भारतमा चार करोड ४४ लाख ७८ हजार छ सय ३६ जना कोरोनाबाट संक्रमित भएका छन्।
हाल भारतमा ५० हजार तीन सय ४२ जना सक्रिय संक्रमित छन्। नयाँ संक्रमितको सङ्ख्याभन्दा संक्रमणमुक्त भएकाको सङ्ख्या बढेको छ । बुधबार सात हजारभन्दा बढी कोरोना मुक्त भएका छन्। हालसम्म कोभिड–१९ बाट मुक्त हुनेको सङ्ख्या चार करोड ३९ लाख दुई सय चार पुगेको छ। बुधबार कोरोना संक्रमणबाट ३३ जनाको मृत्यु भएको छ। हालसम्म भारतमा पाँच लाख २८ हजार ९० जनाले यो महारोगबाट ज्यान गुमाइसकेका छन्।
भारतमा सन् २०२१ को जनवरी १६ देखि कोरोनाविरुद्ध खोप अभियान शुरु भएको थियो। त्यउसयता दुई अर्ब १४ करोडभन्दा बढी मात्रा खोप लगाइसकिएको छ। त्यसैगरी ८८ करोड ७० लाखभन्दा बढीको कोरोना परीक्षण भएको छ।
यसैबीच मलेसियामा बुधबार मध्यरातसम्म दुई हजार चार सय २८ जनामा कोभिड–१९ सङ्क्रममण पुष्टि भएको छ। बुधबार थपिएका नयँँ बिरामीसँगै देशभर चार करोड ७९ लाख सात हजार चार सय ३७ जनामा संक्रमण पुष्टि भएको छ। बुधबार थप सात जनाको कोभिड लागेर मृत्यु भएको छ। हालसम्म कोरोना लागेर मलेसियामा ३६ हजार दुई सय ६२ जनाले ज्यान गुमाएका छन्।
त्यसैगरी न्युजिल्यान्डमा एक हजार छ सय ५३ जना कोरोनाका संक्रमित थपिएका छन् भने १२ जनाको मृत्यु भएको स्वास्थ्य मन्त्रालयले जनाएको छ।
