काठमाडौं- भारतका चर्चित हाँस्य कलाकार राजु श्रीवास्तवको निधन भएको छ। भारतीय सञ्चारमाध्यमहरुका अनुसार उनका परिवारका सदस्यहरुले उनको निधनको पुष्टि गरेका छन्।
राजु पछिल्लो ४२ दिनदेखि नयाँदिल्लीको एम्स अस्पातलमा उपचाररत थिए। हृदयघातपश्चात उनलाई अस्पताल पुर्याइएको थियो।
अगस्ट १० देखि उनको भेन्टिलेटरमा राखेर उपचार भइरहेको थियो। श्रीवास्तव चर्चित कमेडियन हुन्। उनी 'इन्डियाज लाफ्टर च्यालेन्ज', 'बिग बोस सिजन ३', 'देख भाइ देख' जस्ता कार्यक्रममा देखिएका छन्।
त्यस्तै 'बम्बई टु गोवा' र 'ट्वाइलेटः एक प्रेम कथा' जस्ता फिल्ममा पनि उनले अभिनय गरिसकेका छन्।
