काठमाडौं - स्वास्थ्य तथा जनसंख्या मन्त्रालयले रेमडिसिभिर औषधिको लागि मूल्य सहित सम्पर्क व्यक्तिको नाम सार्वजनिक गरेको छ। मन्त्रालयले सूचना जारी गर्दै कोभिड उपचार गर्ने अस्पतालका चिकित्सकले रेमडिसिभिर औषधि सिफारिस गरेमा आधाकारिक आयातकर्ता आयन हेल्थकेयरले ल्याएको रेमडिसिभिर प्रति भाइल चार हजार नौ सय रुपैयाँका दरले उपलब्ध हुने जनाएको छ।
स्वास्थ्य मन्त्रालयका सहप्रवक्ता डाक्टर समीरकुमार अधिकारीले हालसम्म कोभिडका बिरामीका लागि कुनैपनि औषधि प्रमाणित रुपमा सिफारि नभएको भन्दै कोभिड बिरामी उपचाररत अस्पताल वा बिरामीको उपचारमा संग्लन चिकित्सकले प्रेस्क्रिप्सन सहित औषधि लिन जाने व्यक्तिको परिचय पत्रको प्रमाणका सहित आयान हेल्थ केयर, कुपोण्डोल, यूएनपार्कका डा अबुल अन्सारी ९८००५५९१०, सुवास ९८१०१९४४१६, बिमल ९८४१५०६३७०, कमल ९८५११२४६३९ बाट खरीद गर्न अनुरोध गरेका छन्।
