नयाँदिल्ली- भारतको दक्षिणी राज्य तमिलनाडुमा विषाक्त मदिरा सेवनका कारण मृत्यु हुनेको सङ्ख्या ४९ पुगेको अधिकारीहरूले शुक्रबार बताएका छन् ।
तमिलनाडुको राजधानी चेन्नाईबाट दुई सय ४४ किलोमिटर दक्षिणपश्चिममा रहेको कल्लाकुरिची सहरबाट मृत्यु हुनेको रिपोर्ट आएको छ ।
मङ्गलबार साँझ विषाक्त मदिरा सेवन गरेकाहरु बिरामी भएर अहिलेसम्म ४९ जनाको मृत्यु भएको छ ।
भारतको सरकारी प्रसारक अल इन्डिया रेडियोले मदिरा त्रासदीमा पक्राउ परेका चारै जनालाई १५ दिनका लागि न्यायिक हिरासतमा पठाइएको जनाएको छ ।
