गाजा – उत्तरी गाजा क्षेत्रमा स्वास्थ्य सेवा दिइरहेको अन्तिम अस्पताल अल-अवदा पनि बन्द भएको छ। अस्पतालका निर्देशक डा. मोहम्मद साल्हाले इजरायली सेनाले अस्पताल तत्काल खाली गर्न आदेश दिएको बताएका छन्।
उनका अनुसार दुई सातासम्म घेराबन्दीमा परेको यो अस्पताल बिहीबार साँझ बिरामीहरूलाई निकालेर बन्द गरिएको हो। 'अब गाजाको उत्तरमा कुनै पनि स्वास्थ्य सेवा सञ्चालनमा छैन,' उनले भने।
इजरायली रक्षा सेना (आईडीएफ) तर्फबाट भने यो विषयमा हालसम्म कुनै प्रतिक्रिया आएको छैन।
यो घटना त्यस्तो समयमा सार्वजनिक भएको हो, जब युद्धविरामका प्रयासहरू जारी छन्।
हमासले युद्धविराम सम्बन्धी अमेरिकी प्रस्तावको 'गम्भीर समीक्षा' भइरहेको जनाएको छ। उता, ह्वाइट हाउसले भने इस्राइलले उक्त योजनामा 'हस्ताक्षर गरिसकेको' पुष्टि गरेको छ।
इजराइलको गाजामा जारी सैन्य अभियान बीच, हमासद्वारा सञ्चालित गाजाको स्वास्थ्य मन्त्रालयले शुक्रबार दिएको जानकारी अनुसार, पछिल्लो २४ घण्टामा इस्रायली हवाई आक्रमणमा कम्तीमा ७२ जनाको ज्यान गएको छ।
