काठमाडौं - नेपाल मेडिकल काउन्सिलको निर्वाचनका लागि मतदान केन्द्र तोकिएको छ। आगामी पुष ४ गतेबाट सुरु हुने निर्वाचनका लागि २१ मतदान केन्द्र तोकिएको हो।
प्रादेशिक अस्पताल भद्रपुर झापा, कोशी अस्पताल विराटनगर, बिपी कोइराला स्वास्थ्य विज्ञान प्रतिष्ठान धरान, गजेन्द्र नारायण सिंह अस्पताल सप्तरी, प्रादेशिक अस्पताल लहान, जनकपुर प्रादेशिक अस्पताल धनुषा, नारायणी अस्पताल वीरगञ्जमा मतदान केन्द्र तोकिएको छ।
यस्तै, मदन भण्डारी स्वास्थ्य विज्ञान प्रतिष्ठान हेटौडा, भरतपुर अस्पताल चितवन, पोखरा स्वास्थ्य विज्ञान प्रतिष्ठान कास्की, लुम्बिनी प्रादेशिक अस्पताल रुपन्देही, पाल्पा अस्पताल, राप्ती स्वास्थ्य विज्ञान प्रतिष्ठान, भेरी अस्पताल, प्रादेशिक अस्पताल कर्णाली, कर्णाली स्वास्थ्य विज्ञान प्रतिष्ठान, धुलिखेल अस्पताल, नेशनल एसेम्बली काठमाडौं र नेपाल एडमिनिस्ट्रेटिभ स्टाफ अस्पताल ललितपुर छन्।
काउन्सिलको निर्वाचन काठमाडौं बाहिर पुष ४ र ५, काठमाडौं भित्र पुष ११ र १२ गते हुँदैछ। काउन्सिलमा एक उपाध्यक्ष र आठ सदस्यका लागि निर्वाचन हुन लागेको हो। सदस्यका लागि ३३ जनाको उम्मेदवारी परेको छ।
