हो, हामी नर्स हामी काम जान्दैनौं नि
हो हामी नर्स हामी बोल्न जान्दैनौं नि
हो हामी नर्स हामी केही जान्दैनौं नि
हो हामी नर्स हामी जादु गर्दैनौं नि
किनकि
हामी बिना पढाइ नै नर्स बनेको हो
हामी बिना योग्यता नर्स बनेको हो
अब काम छैन नर्सहरु सबैको
लौन सरकार अब के हेरेको हो?
लौन सरकार
हामीसँग क्यामरा किन्ने पैसा पनि छैन
भिडियो बनाउने फुर्सद पनि त छैन
समाजसेवा त के हो खोई हामी नर्सलाई
आफ्नो परिवार भन्ने समय पनि त छैन
अब यसो गरौन सरकार
हामी नर्सको कुनै काम छैन अह काम नै छैन
सबै काम समाजसेवीहरु नै गरिदिनुस् न
बरु हजुरको क्यामरा नर्सहरुलाई नै दिएर
हजुरहरु नै योग्य नर्स बनिदिनुस् न
अनि त्यसपछि
कतै नर्स पनि समाजसेवा पो गर्छन कि
हुँदैन र
