काठमाडौं- त्रिवि शिक्षण अस्पतालमा कलेजो प्रत्यारोपण विज्ञ प्राडा. रमेशसिंह भण्डारीले आफ्नो स्वर संगीतमा नयाँ गीत सार्वजनिक गरेका छन्। बालवयको स्मृतिलाई गीतमार्फत् प्रस्तुत गरिएको छ।
‘एउटा जीवन..’ नामक उक्त गीत उनको आफ्नो युट्युब च्यानलबाट सार्वजनिक भएको हो। गीतको रचना डा प्रकाश पौडेलले गरेका हुन्। चिकित्सासँगै आफ्नो रुचीको विषय संगीतमा उनी निरन्तर छन्।
गीतमा संगीत संयोजना प्रदीप जोशीले गरेका हुन् भने कलाकारका रुपमा उनकै छोरा वैभवसिंह भण्डारीले अभिनय गरेका छन् । भिडियोमा रिभा सिंह भण्डारी र डा. विन्देश्वरी काफ्ले भण्डारीलाई समेत देख्न सकिन्छ।
भण्डारीको यो आठौं गीत हो। हेर्नुहोस् गीतको म्युजिक भिडियो :
