वासिङ्टन- अमेरिकी राष्ट्रपति जो बाइडेनले राष्ट्रपतिको निर्वाचनमा दोहोर्याएर उम्मेदवारी नदिने निर्णय गरेका छन्। उनले उपराष्ट्रपति कमला ह्यारिसलाई समर्थन गर्ने बताएका छन्।
सामाजिक सञ्जालमा एक विज्ञप्ति जारी गर्दै डेमोक्रेटिक पार्टीका बाइडेनले चार महिनापछि हुने अमेरिकी राष्ट्रपतिको निर्वाचनको दौडबाट आफू पछि हटेको जानकारी दिएका हुन्। रिपब्लिकन पार्टीका तर्फबाट पूर्वराष्ट्रपति डोनाल्ड ट्रम्प अमेरिकी राष्ट्रपतिका उम्मेदवार छन्।
विज्ञप्तिमा भनिएको छ, ‘राष्ट्रपतिको रूपमा सेवा गर्नु मेरो जीवनको सबैभन्दा ठूलो सम्मान हो। फेरि चुनाव लड्ने मेरो मनसाय भए पनि पार्टी र देशको हितमा उम्मेदवारी फिर्ता लिने र बाँकी कार्यकाल राष्ट्रपति पदको जिम्मेवारी पूरा गर्नमा पूर्ण ध्यान दिने विश्वास लिएको छु।’
उपराष्ट्रपति कमला ह्यारिसलाई समर्थन गर्ने घोषणा गर्दै बाइडेनले लेखेका छन्, ‘सन् २०२० मा पार्टीको राष्ट्रपतिको उम्मेदवार बनेपछि मेरो पहिलो निर्णय कमला ह्यारिसलाई उपराष्ट्रपतिमा छान्ने थियो र यो सबैभन्दा राम्रो निर्णय थियो।’
उमेरले ८१ पुगेका बाइडेनको स्वास्थ्य अवस्थाका कारण राष्ट्रपति दोहोरिन नहुने मत बढ्दै गएको थियो। पार्टीभित्र समेत उक्त मत बलियो बन्न थालेपछि उनी बाहिरिएका हुन्। त्यसअघि उनको मानसिक स्वास्थ्यको बारेमा जाँच हुनुपर्ने सवाल उठेको थियो। उनलाई ‘कग्निटिभ टेस्ट गर्न’ भनिएको थियो।
के हो कग्निटिभ टेस्ट?
कग्निटिभ परीक्षणमा फरक-फरक जाँच र परीक्षण सामेल हुन्छन्। जसले मानसिको दिमाग कति राम्ररी काम गरिरहेको छ भन्ने मापन गर्छ।
क्लिवल्यान्ड क्लिनिकका अनुसार यस जाँचमा कसैमा रहेको खाश रोगको निदान हुँदैन, तर कुनै उपचारका लागि जरुरी जाँच गराउनका लागि संकेत दिन्छ।
यदि कुनै व्यक्तिको स्मरण शक्तिमा ह्रास, व्यक्तित्वमा बदलाव, असन्तुलन, विगतका कुनै भाग नै बिर्सिने र जानकारी बुझ्न समस्या आइरहेको अवस्थामा जाँचका लागि सिफारिस गरिन्छ।
स्यानफोर्ड मेडिसिनका अनुसार यसका लागि धेरै प्रइवगमा आउने परीक्षमा एक मन्ट्रियल कग्निटिभ एसिस्मेन्ट हो, जो शंकास्पद मानिसमा कग्निटिभ स्किल अर्थात् संज्ञानात्मक कौशल आंकलन गर्ने सवैभन्दा छरितो उपाय हो।
यो जाँचमा स्मरण, एकाग्रता, बस्तुको नाम दिने क्षमता र मौखिक तथा लिखित आदेश पालना गर्ने क्षमताको परीक्षण हुन्छ।
कुनै मानसिक समस्या नभएकाहरुका लागि यो सहज हुन्छ भने मस्या भएकाहरुलाई यो जाँच कठिन लाग्छ।
