काठमाडौं- त्रिवि शिक्षण अस्पतालका कलेजो प्रत्यारोपण सर्जन डा रमेशसिंह भण्डारीले नयाँ म्युजिक भिडियो सार्वजनिक गरेका छन्। चिकित्सा पेशासहित गायनमा समेत रुचि राख्ने डा भण्डारीले 'कसरी भनूँ म' बोलको म्युजिक भिडिओ सार्वजनिक गरेका हुन्।
शुक्रबार सार्वजनिक म्युजिक भिडियोको गीतको रचना र गायन डा भण्डारी आफैंले गरेका हुन्। गीतको कम्पोजिसन समेत डा भण्डारीकै हो। उक्त गीतमा प्रदीप जोशीको एरेन्ज छ। म्युजिक भिडियोमा डा भण्डारीकै अभिनय रहेको छ।
म्युजिक भिडियोको निर्देशन अनिल कुमार मानन्धरले गरेका हुन्।
डा भण्डारीले यसअघि ‘तिम्रो नै माया लाग्छ नि..’ किन होला, मायालु भाका लगायत म्युजिक भिडिओ सार्वजनिक गरेका थिए।
