काठमाडौं- चर्चित गायकद्वय सत्यराज र स्वरुपराज आचार्यको स्वरमा सजिएको गीत 'आखिर त्यो मन'मा डा सुवास प्रसाद आचार्यले अभिनय गरेका छन्।
त्रिवि शिक्षण अस्पतालको क्रिटिकल केयर विभाग प्रमुख डा आचार्यले चर्चित मोडल मिस पवि अर्थात् पवित्रा साकीको जोडीका रुपमा अभिनय गरेका छन्।
चिकित्साका साथै अभिनयमा समेत रुचि राख्ने डा आचार्यले यसअघि पनि केही म्युजिक भिडियोमा अभिनय गरिसकेका छन्। रवीन्द्र पौड्यालको शब्द र संगीत रहेको गीतमा उनी आफैंले पनि अभिनय गरेका छन्।
म्युजिक एरेञ्ज गोपाल रसाइलीको रहेको छ। म्युजिक भिडियोको निर्देशन सोनाम पाख्रिनले गरेका हुन्। क्यामेरा दिनेश पराजुली र सम्पादन विकास दाहालको रहेको छ।
